Thartari Russia devicta Poloniam celerrime ingressi,
earn latissime vastant; quibus tandem Wlodimirus palatinus Cracoviensis
apud villam Tursko occurrens,
licet ob paucitatem suorum dubitasset prorsus vincere Thartaros,
non mediocriter territos et attritos cedere tamen coegit;
qui postea suppleto in Russia exercitu acriores redeuntes
palatinum apud Chmyelik ipsis rursus occurrentem et fortissime
pugnantem sua multitudine opprimunt
Caeso apud Chmyelik Polonorum exercitu Thartari veniunt Cracoviam,
quam populo ac duce, nam hic in Hungariam fugerat,
prorsus vacuam cernentes, miserabiliter vastant et incendunt;
templum tamen divi Andreae tunc temporis ante moenia situm
cura pauperum hominum servatum est
Wratislaviensis ora et civitas per Thartaros vastatur,
et arx ab eorum obsidione visa columna ignea,
quae super caput monachi orantis coelo descenderat, liberatur
Thartari a Wratislavia Legniczam vadunt, contra quos Henricus dux
potentissimo animo exercitum colligit
Henricus dux cum Thartaris alacriter congreditur;
ubi dum pene iam victor esset,
Thartarorum infascinatione exercitus eius debilitatus adeo caeditur,
ut ne ipse quidem Henricus dux servari potuerit
Caeso Henrico duce ac eius exercitu
Thartari ad arcem Legniczensem applicant; quam cum defendi
a militibus viderent, in Moraviam discedunt; interim dux Henricus
et alii occisi sepeliuntur
Moraviam Thartari vastant rege Wenceslao in arce munita se continente;
horum dux unus insignis apud Olomuncz capitur;
pro quo recuperando cum diu et minis et officiis frustra laborassent,
tandem in Hungariam abeunt
Thartari in Hungariam veniunt; quibus rex Bela
cum Colomanno nepote resistere volens, castris imprudenter positis
potentem exercitum perdit; in quo etiam
praeter duces ceteros archiepiscopi duo et episcopus unus interierunt,
rex vero Bela et Colomannus in Austriam fugere
Hungarorum ac aliorum Christianorum exercitus
ad centum et amplius milia apud Pesth rursum convenit:
cui superveniens Thartarorum multitudo universum,
cum iam triduo sustinuisset proelium, partim caede,
partim etiam miserabili calamitate delet
Germaniam et imperatorem metus Thartarorum invasit
Rex Hungariae pignora praecipua ex Alba Regali
ad maritimas regiones transmittit; interim Colomannus moritur
Boleslaus Calvus Henrici ducis occisi filius minorennis
Poloniae dux a militibus eligitur; quae res Cunradum Masoviae ducem
plurimum offendit
Thartari in Hungaria per biennium commorati, eam in solitudinem redigunt;
tum etiam Cracoviam rursus venientes inopinato,
crudelius quam ante in homines seviunt; bestiarum item rabies
et fames horrenda Hungariam affligit
Cunradus Masoviae dux Poloniam minorem ingreditur
ac eam sibi subiicit, Boleslao Calvo segniter defendente;
castrum tamen Skala per palatinum Cracoviensem
pro Boleslao defensum est
Show